عەفان ئەحمەد ــ هەولێر

 راگرتنی پەخشی كەناڵی ئازادی لەلایەن وەزارەتی رۆشنبیری و لاوانی حكومەتی هەرێمی كوردستانەوە كاردانەوەی زیاتری لێ‌ دەكەوێتەوە، ئەندامێكی ئەنجومەنی پارێزگای سلێمانی دەڵێت، لەجیاتی داخستنی كەناڵی ئازادی، با وەزارتی رۆشنبیری بەدواداچون بۆ ئەو پارانە بكات كە بۆ پایتەختی رۆشنبیری تەرخانكراوە، دەشڵێت: ، با رێگانەدات ناوەندە رۆشنبیری و هونەرییەكانی بەسواڵ بەڕێوەبچن

كاسترۆ مەعروف كە هاوكات سەرۆكی فراكسیۆنی هاوپەیمانی نیشتیمانیشە لەئەنجومەنی پارێزگای سلێمانی، لەهەژماری خۆی لەتۆڕی كۆمەڵایەتی فەیسبوك دەڵێت: وەزارەتی رۆشنبیری لەجیاتی داخستنی كەناڵی ئازادی بابچێت بەدواداچون بۆ ئەو ملیارەها دینارە بكات كە بۆ بوژانەوەی پایتەختی رۆشنبیری (سلێمانی) تەرخان كرابوو، لەوپارەیە چەندی ماوە و چۆن خەرجكراوە؟!

"وەزارەتی رۆشنبیری كاری لەوە گەورەتر هەیە بیكات، با رێگانەدات ناوەندە رۆشنبیری و هونەرییەكانی بەسواڵ بەڕێوەبچن باڕێز لەتوانا رۆشنبیری و هونەرییەكانی هونەرمەندان بگرێت، با ئەزیەت بكیشێ سەردانی خانەیەكی رۆشنبیری منداڵان بكات بزانێ چۆن بەڕیوەدەچن دواتر هەڵسێ كار بۆجێبەجێكردنی یاسا بكات؟!" كاسترۆ وای نوسیوە.

لەبەشێكی تری نوسینەكەیدا ئەو ئەندامەی ئەنجومەنی پارێزگای سلێمانی نوسیویەتی: بەڵێ بۆ جێبەجێكردنی یاسا، بەڵێ‌ بۆ داخستنی ئەو كەناڵانەی كە شیرازەی خێزان تێكدەدەن بەڵێ بۆ داخستنی ئەو كەناڵانەی بەسەروەت و سامانی گەل بەڕێوەدەچن؟!

 

هەواڵی پەیوەندیدار