عەفان ئەحمەد ــ هەولێر

 

بەڕێوەبەری تەلەڤزیۆنی ئازادی رای دەگەیەنێت، دەسەڵات چەندین دەرگا لەسەر ئەوان دابخات، ئەوان دەتوانن پەنجەرەی دیكە بكەنەوە.

هیوا عومەر لەلێدوانێكیدا بۆ تەلەڤزیۆنەكەی رای گەیاند، بیانوی دەسەڵاتداران بۆ راگرتنی پەخشی كەناڵی ئازادی مۆڵەتە، بەڵام رای گشتی ئاگادار دەكەینەوە كە چەندین جار داوای مۆڵەتمانكردووە، ئەوان ئامادەی پێدانی مۆڵەت نین پێمان.

"راگرتنی پەخشی كەناڵی ئازادی لەچوارچێوەی ئەو فشارانەیە كە دەخرێتە سەر ئەو لایەنانەی كە دەیانەوێ‌ بەدیوێكی تر كۆمەڵگا رێك بخرێتەوە" هیوا وای وت.

بەرپرسی تەلەڤزیۆنی ئازادی بەڵێن بەبینەرانیان دەدات كە لەهەوڵەكانیان بەردەوامن بۆ كردنەوەی پەخشی كەناڵەكەیان.

عومەر سوپاسی تەواوی ئەو كەس و لایەنەنانە دەكات كە هەڵوێستیان هەبووە لەراگرتنی پەخشی كەناڵەكەیان. 

 

بۆ بینین و بیستی لێدوانەكە لێرە كلیك بكە