پەروین بۆڵدان هاوسەرۆکی هەدەپە ، لە كۆبوونه‌وه‌ی بانگەشەی هەڵبژاردن لە شاری موش وتارێكی پێشكەش كرد و ئاماژەی بە هاوپەیمانی ئاکەپە ومەهەپە کرد و وتی، ئه‌وان باش دەزانن کە هاوپەیمانییەتی ئاکەپە و مەهەپە بۆ دوژمنایەتی کوردانە و سه‌ر بۆ كه‌س دانانه‌وێنن.

جەختی لەوەشكرده‌وه‌ وتی"هیچ هێزیک ناتوانێت ئینکاری کە شوناس و ناسنامە و کلتوری کورد بکات، گەلی کورد هیچ کات سەری دانەنه‌واندووە و هیچکات بۆ ئەردۆغانیش سەر دانانەوێنێت."

هاوسه‌رۆكی هه‌ده‌په‌، هه‌روه‌ها ئه‌وه‌ی خسته‌ڕوو، کە ئێستا کاتی کۆتاییهێنانە بە دەسەڵاتداری ئاکەپە و مەهەپە.

بڕیاره‌ رۆژی ٢٤ی ئه‌م مانگه‌ هه‌ڵبژاردنی گشتی له‌ توركیا به‌ڕێوه‌بچێت و هه‌ده‌په‌ سه‌لاحه‌دین ده‌میرتاشی بۆ سه‌رۆك كۆماری توركیا كاندید كردووه‌.