عەفان ئەحمەد - هەولێر

لەبەشی دووەمی بەرنامەی ئایدیای چەپ كە لەبارەی رۆڵی چەپ لەنارەزایەتیە كۆمەڵایەتییەكانداببوو هەر یەك لەهیوا عومەر، نەوزاد بابان، گۆران جلال و ئازاد ئارمان تیایدا بەشدارییانكرد، بەچڕی تیشكخرایە سەر ئەو رۆڵەی كە چەپ پێویستە لەناڕەزایەتییە كۆمەڵایەتییەكاندا هەیبێت.

نەوزارد بابان دەڵێت: پێویستە تەواوی ئەو مەیل و گروپ و بیروبۆچونە جیاوازە چەپ و رادیكاڵانە لەچوارچێوە بەرەیەكی یەكگرتووی كاردا كۆبكرێنەوە و كاربكەن.

گۆران جلال لەو بەرنامەیەكدا دەڵێت: 10 ساڵ پێش ئێستا باروگوزەرانی تاك لەهەرێمی كوردستاندا لەئیستا باشتربوو، هەروەها رەوشی ئازادییەكانیش بەهەمان شێوە لەرابردودا باشتربووە، ئەمەش وایكردووە كە ئەركمان قورستر دەبێت.

هیوا عومەر كە ئیدارەی ئەو گفتوگۆیەی كرد دەڵێت: چەپی رۆژهەڵاتی و كوردستانیش پێویستە قسەی لەسەر بەمۆدێرنەكردنی كۆمەڵگا بێت، پێویستە بنەمای كاری هاوبەشیش جێبەجێ بكات.

ئازاد ئارمانیش دەڵێت، بەرەی یەكگرتوو لەشەقامدا دروستدەكرێت، چەپەكان و ئازادیخوازەكانیش دەتوانن فۆڕمێك دروستبكەن كە هەمووی تێدابێت.

بۆ بینینی تەواوی بەرنامەكە كلیك لێرە بكە