عەفان ئەحمەد - هەولێر

چالاكوانێكی سیاسی رای دەگەیەنێت، لەسێدارەدان یەكێكە لەكۆڵەكەكانی رەفتاری رژێمی كۆماری ئیسلامی ئێران بەرامبەر بەكورد و بەگشتی خەڵكی دیموكراتخواز و پێشكەوتنخوازی ئێران.

كاوە نادر، لەمیانی بەشداریكردنی لەبەرنامەی ئەڤڕۆی كەناڵی ئازادیدا رەخنەی توند لەكۆمەڵگای نێودەوڵەتی دەگرێت كە بێدەنگن لەئاست پێشێلكردنی مافەكانی مرۆڤ لەئێران.

 دیمەنێك لەبەرنامەی ئەڤڕۆ

"ئیمام خومەینی بە چ فڕۆكەیەكەوە هاتەوە تاران! رادیۆی بی بی سی فارسی ئەو كات بڵنگۆی شۆڕشەكەی خومەینیبوو، لەناوخۆدا چەپەكان رژێمی ئێرانییان روخاند و هەمیش ناڕەزایەتییەكانیان بەڕێوەبرد، ئەوانە هاتن دەستیان بەسەر شۆڕشی گەلانی ئێراندا گرت و مۆنۆپۆڵیانكرد و بەزەبری هێز و كوشتن و بڕین دەستیان بەسەر شۆڕشداگرت كە ناویان لێنا شۆڕش، لەبنەڕەتدا ئەجنداكەیان بۆ ئەوەیە بێن وەك هەڕەشەیەك لەناوچەكە لەبەرامبەر سوننە كە شۆڕش بۆ دەرەوەی خۆی دەنێرێت، سەرمایەداری بۆ ئەوەی بەكارهێناون كە پلانەكانی خۆیان جێبەجێ بكەن" كاوە وای ووت.

 قەیس محەمەد رۆژنامەنوسی تەلەفزیۆنی ئازادی

قەیس محمد رۆژنامەنوسی تەلەفزیۆنی ئازادی و بێژەری بەرنامەی ئەڤڕۆ دەپرسێت، چالاكییە مەدەنییەكان كە بۆ راوەستانی لەسێدارەدان لەئێران و بەتایبەت بۆ جێبەجێنەكردنی بڕیاری لەسێدارەدانی رامین حسێن پەناهای ئەنجامێكی ئەو تۆی دەبێت كۆمەڵگای نێودەوڵەتیدا؟ بۆ بینینی تەواوی بەرنامەكە كە لەبارەی هەڵكشانی نارەزایەتییەكان دژ بە پێشێلكارییەكانی مافی مرۆڤ لەئێران ئەنجامدا، كلیك لێرە بكە